مسئولان در ریاست معارف ولایت هرات، می‌گویند کار بازسازی پنج مکتب در ولسوالی‌های انجیل و رباط‌سنگی ولایت هرات آغاز شد.
رحمت‌الله جابر رئیس معارف هرات، می‌گوید که این پروژه‌ها با هم‌کاری یکی از نهادهای هم‌کار اداره‌ی معارف هرات، به ارزش ۱۳ میلیون و ۱۰۰ هزار افغانی تطبیق می‌شود.
رئیس معارف این ولایت، می‌افزاید که این اداره تلاش می‌کند تا با هم‌کاری نهادهای خیریه، زمینهٔ آموزش متوازن را برای دانش‌آموزان فراهم سازد.